هذا موضوع خاص بالبنات الغير متزوجات ،،،
كيف تصطادين المعرس دون اللجوء الى الاساليب السقيمه من المغازلات والترقيم
والتلميح الى ماله سنع والترزز بالاسواق ............الخ
أهم شي نشني على العجوز الي حاطه عينك على ولدها ثم نفذي مايلي
1\خليك مع امك ولاتروحين مع البنات وتتهيبلين اصبري عنهم كم شهر لما تتم العمليه .
2\امشي وانت حاطه راسك بين كتوفك ولاترفعينه ابد وخلي الفكس دايما في متناول يدك .
3\كلمة خاله خليها دايما على لسانك خاصه لام المعرس الي حاطه عينك على ولدها عشان تحس بنوع من التميز عن باقي العجايز .
4|اذا بدت امك تتكلم انغزيها بكوعك عشلن تدخل بالسالفه حتى لو مالك داعي تطبيقا للمثل
(كثر الدق يفك اللحام)داريه المثل ماله داعي بس مالقيت غيره .
\اخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم
كأنك امهم عشان العجوز تاخذ فكره انك حريصه على ذريتك
6\كل ماأكلت امك من اكله زينه خليها تقول:نفس الاكله الي تسويها بنتي حتى لو الأكل من مطعم
صيني او مكسيكي .
7\اذا جيتي بتمدين ايدك توجعي وخلي امك تقول : قايلتلك وانا امك ماله داعي تنظفين جدران البيت .
الخارجيه>>>>>>>> اقول نظفي غرفتك الي تقولين ثايره فيها قنبله ذريه
8\اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي
ومالنا حق نتكلم قدامها
9\مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطه .
10\شعرك افرديه لاتخلينه طاير ولاتجعدينه مهما كانت الموضه لان العجايز مايدورون
الا الي شعورهم ناااااعمه .
11\اذا قالت العجيز أم المعرس المتوهق اي راي سياسي ولا وطني ولا اقتصادي وافقي عليه
حتى لو انه ماسخ وماله داعي .
#مثال تقول العجوز: بوش متقهوي عندنا البارح قوليلها ياخاله ليه ماعلمتينا نجي نساعدكم؟؟؟؟؟؟
12\في العروس اضغطي على نفسك ولاترقصين واعتبري الرقص عيب وشق جيب .
13\اذا جا طاري السوق وهو لازم يجي لانه ملح الجلسه عند الحريم خلي امك تتقول:
بناتي مايحبون يطلعون السوق ابوهم يجيب أغراضهم .
=الحين العجوز بتكون وقعت في الفخ
نروح للمعرس المتوهق الحين
1\اهجدي في بيت اهلك ولاعاد تطلعينواذا جا المعرس خلي ابوك يقول :
ودي تشوف البنت بدون ماتدري عشان تاخذ راحتك وانا خالك وبعد تشوفها على الطبيعه
ماتقول غشيتوني>>>>>>>ايه هين يالشايب والله لو بيدك تحط مكانها باسكال مشعلاني
\قبل يجي اليوم الي بيشوفك فيه بحوالي اسبوع اوأكثر حسب شين الوجه
طامري من صالون لصالون
3\اذا جا المعرس خلي اخوك يوقف جنبه عشان مايطيل التبحلق ويبان المستخبي وذلك تطبيق لنظرية اللمحه ذبحه
4\في نهاية المشهد خلي ابوك يقول : معليش وانا خالك ترى البنت شوي محيوسه
>>>>>>>>>>ماعليه يالشايب تنصب ع المسكين
وبها اللحظه الولد ينط على راسه ويبوسه لين يشفط مخه ويقول متى العرس ياخال؟؟؟؟؟؟
*تخذير مهم
#ابتعدي عن امهات العيال المتعلمات راعيات الشنط نفس لون الجزم هذولا يبيلهم خطط بعيدة المدى ...
الجمعة نوفمبر 14, 2008 1:19 pm
