تكفين يمه بكره ارجعي

يـــمـــه ..
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟

يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله .... !!

يمه تعالي ارجعي ...
والله خلاص بسمع كلامك .. ..
وان قلتي يالله ..
روحي نامي ..
أروح حتى ماتزعلي ..

يمه تكفين ارجعي ..
اليوم المديره مدحتني.
يمه سمعتها تقول..
مسكينه هالبنت صارت يتيمه ..
قالت لها ابله زهرة..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح

يمـه عرفتي فاطمة ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا

يــمــه
يالله خلاص لاتمزحي
يالله قومي
تعالي معي للبيت ارجعي

يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...

يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..

أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..

بدمعي الجاري

كلمات حزينة ورائعة مليئة بالمشاعر
والشوق الى الحضن الدافئ
احسست بها لاني فقدت ابي
تصبري
سلمت يداكـِ غاليتي على الطرح الجميل

رحم الله والدتكـِ ووالدي

وفقكم الله

حضوركِ في صفحاتي

يضيف عطرا خاص

سعيدة جدا بمتابعتك لقلمي

وفخورة بوجودك هنا

تحياتي لكِ ..

عدد الرسائل : 9 تاريخ التسجيل : 04/11/2008

كلماتك رائعه ومؤثره وحزينه فوفقك الله ورعاك
و رحم الله والدتك

رحم الله والدتنا و تغمدها بواسع رحمته

رغم الرحيل قلوبنا تجتمع على حب أمنا

كل الشكر والأمتنان لتواجدكم بمتصفحي

ولي الفخر بمتابعتكم واطلالتكم الجميله

دمتو لنا بهذا العطاء المستمر

تحياتي ..